ZORAM TODAY| Aizawl May 19th, 2024 (Sûn): Vawiin khan Lengpui airport aṭangin thlawhnaa khualzin lut leh chhuak an ṭhahnem hle a, an vaiin mi 1843 an ni. Lengpui Airport aṭanga thlawhtheihna thlawk lût  leh thlawk chuak hi paruk ve ve an ni a, Lengpui Airport a lûn hle.

Kolkata leh Guwahati aṭanga lut leh pana chhuak hi thlawhna pahnih ve ve niin, Delhi leh Imphal aṭanga lut leh pana chhuak hi thlawhna pakhat ve ve an ni thung. 

Thlawhna thlawk lut atangin khualzin 903 leh thlawk chhuak aṭangin khualzin 940, an vaiin mi 1843 an ni.

(Lengpui airport aṭanga zin chhuak mi 940 te hian airport hman manah mi pakhatin ₹.500 bawr ang zêlin lo pe ta se, Mizoram sorkar-a sum lût zât tur chu ₹ 4,70,000/-vel a ni ang. Ticket lak rual  hian airport/passenger service fee hi ticket leitu te'n an pe ṭhin a. Chu chu inthiarna hman man te, ṭhut hahchawlhna, etc atana airport hman man hi airport neitu/enkawltu kutah a lut a, hei lo pawh car parking etc. aṭangin sum a lut nual turah ngaih a ni.)